Saturday, August 11, 2018

മെറ്റബോളിക് സിൻഡ്രോം

'മെറ്റാബോളിക് സിൻഡ്രോം' ഹൃദയധമനീ രോഗങ്ങൾ, മസ്തിഷ്കാഘാതം, പ്രമേഹം, അർബുദം, അൽസ്ഹൈമേഴ്സ്, പൊണ്ണത്തടി, വൃക്കരോഗങ്ങൾ തുടങ്ങിയ രോഗങ്ങൾക്ക്  പറയുന്ന കാരണമാണ് മെറ്റബോളിക് സിൻഡ്രോം.

ഇതിന്റെ 5 ലക്ഷണങ്ങള്‍:- രക്തത്തിലെ പഞ്ചസാരയുടെ അളവ്‌ കൂടുക.രക്തത്തിലെ ട്രൈഗ്‌ളിസറൈഡ്‌.എച്ച്.ഡി.എൽ കുറയുക.വയറിന്റെ ചുറ്റളവ് പുരുഷന് 40 ഇഞ്ച്, സ്ത്രീകൾക്ക് 35 ഇഞ്ച് - ഇവയിൽ കൂടുതലുണ്ടാവുക.രക്തസമ്മർദ്ദം 120/85 ൽ കൂടുക.


ഭക്ഷണ ക്രമം കൊണ്ട്‌ ആരോഗ്യം നിലനിര്‍‌ത്താന്‍ സാധിക്കും.വര്‍‌ത്തമാന കാലത്ത്‌ മെറ്റാബോളിക് സിൻഡ്രോം വ്യാപകമാണ്‌.എല്ലാറ്റിനും കാരണം കൊഴുപ്പ്‌ വര്‍‌ദ്ധിക്കുന്നത് കൊണ്ടാണെന്നാണ്‌ വിശ്വസിപ്പിക്കപ്പെട്ടിരിക്കുന്നത്‌.ഇതിന്റെ അടിസ്ഥാനത്തില്‍ ഭക്ഷണ രീതി അവലം‌ബിക്കുമ്പോള്‍ അന്നജം ഭക്ഷണ ക്രമത്തില്‍ സ്വഭാവികമായും കൂടും.ഇവ്വിധമുള്ള ക്രമക്കേട്‌ 'ഇന്‍‌സുലിന്‍' ശരീരത്തില്‍ കൂട്ടാന്‍ സഹായകമാകുന്നു.ഈ സാഹചര്യത്തിലാണ്‌ ഇന്ന്‌ പ്രചാരത്തിലുള്ള അധിക രോഗങ്ങളും.ഒന്നു കൂടെ വ്യക്തമാക്കിയാല്‍ കാര്‍ബോ ഹൈഡ്രേറ്റ് (അന്നജം)കൂടുതല്‍ കഴിക്കുകയും ആവശ്യമുള്ള ഫാറ്റ് (കൊഴുപ്പ്‌) കഴിക്കാതിരിക്കുകയും ചെയ്യുന്ന ശൈലി സ്വീകരിക്കുന്നതിനാലാണ്‌ രോഗം പിടിപെടുന്നത്‌.

എന്നാല്‍ ശുദ്ധമായ കൊഴുപ്പ്‌ കഴിക്കുകയും ശരീരത്തില്‍ അത്രയൊന്നും ആവശ്യമില്ലാത്ത അന്നജം അടങ്ങുന്ന ധാന്യം/കിഴങ്ങ് വര്‍‌ഗങ്ങള്‍ ഒഴിവാക്കി ഭക്ഷണ രീതി പുന ക്രമീകരിക്കുകയും ചെയ്‌താല്‍ ആരോഗ്യം തിരിച്ചു പിടിക്കാം.

1977 ജോര്‍‌ജ്‌ മൈക്  എന്ന അമേരിക്കന്‍ സെനറ്ററുടെ നേതൃത്വത്തില്‍ പുറപ്പെടുവിക്കപ്പെട്ട തികച്ചും ദൗര്‍‌ഭാഗ്യകരമായ പ്രഖ്യാപനം വിനാശകരമായ ഈ ആരോഗ്യ പ്രശ്‌നങ്ങള്‍ ക്രമാതീതമായി വര്‍‌ദ്ധിക്കാന്‍ കാരണമായതായി വിലയിരുത്തപ്പെടുന്നു.പൂരിത കൊഴുപ്പ്‌ ഒഴിവാക്കണമെന്നായിരുന്നു ഈ പ്രഖ്യാപനം.

പരമ്പരാഗതമായി ശീലിച്ചു പോന്ന വെളിച്ചെണ്ണയും/ഒലിവെണ്ണയും പാലുല്‍പന്നങ്ങളും ഒക്കെ കച്ചവടവല്‍കരിച്ച മറ്റൊരു രീതിയില്‍ അഥവാ കൊഴുപ്പ്‌ ദൂരീകരിക്കപ്പെട്ട രീതിയില്‍ അടിച്ചേല്‍‌പ്പിക്കപ്പെട്ടത് മാത്രം ഭക്ഷിച്ചു പോന്ന നാല്‌ പതിറ്റാണ്ട്‌ ലോകത്തിനു സമ്മാനിച്ചത് 'മെറ്റാബോളിക് സിഡ്രം ആയിരുന്നു.ഇതിലൂടെ സംജാതമായ ഭീമന്‍ രോഗങ്ങള്‍‌ക്കുള്ള വിലപിടിപ്പുള്ള മരുന്ന്‌ വില്‍‌പനയിലൂടെ മരുന്നുല്‍‌പാദന കമ്പനികള്‍ തടിച്ചു കൊഴുത്തതിന്റെ ചരിത്രം എഴുതി ഫലിപ്പിക്കാന്‍ പോലും സാധ്യമല്ല.

ആഗോള കച്ചവട താല്‍‌പര്യങ്ങളാല്‍ ബലികഴിക്കപ്പെട്ടതും ബലികഴിക്കപ്പെട്ടു കൊണ്ടേയിരിക്കുന്നതും ലോകമെമ്പാടുമുള്ള ലക്ഷോപലക്ഷം മനുഷ്യരാണ്‌.അതിനാല്‍ ഒരു പുനര്‍ വിചിന്തനത്തിന്‌ ഒരുങ്ങുക.

എല്‍.സി.എച്.എഫ് (ലൊ കാര്‍ബൊ ഹൈഡ്രേറ്റ് ഹൈ ഫാറ്റ് ഡയറ്റ്.) ആരോഗ്യമുള്ള സമൂഹത്തെ സൃഷ്‌ടിച്ചേക്കും.

അസീസ്‌ മഞ്ഞിയില്‍