ഡിസംബര് 19, 2024 ന് രാവിലെ ഞങ്ങള് മുല്ലശ്ശേരിയിലെ വസതിയില് വെച്ച് പരസ്പരം പ്രാഥമികമായി ചര്ച്ച ചെയ്തു.അല്ജാമിഅ ഇസ്ലാമിയ്യയില് ഉസൂലുദ്ദീന് വിദ്യാര്ഥിനിയാണ് ഹിബ ഷിബിലി.പഠന സൗകര്യാര്ഥം ശാന്തപുരത്താണ് താല്കാലിക താമസം.ഡിസംബര് 26 ന് ഞങ്ങള് ശാന്തപുരത്തെ വീട്ടില് പോയി.മക്കള് പരസ്പരം കണ്ടു.മക്കളുടെ അനുകൂലമായ പ്രതികരണങ്ങളില് അല്ലാഹുവിനെ സ്തുതിച്ചു.
ഡിസംബര് 20, 2025 ന് പ്രസ്തുത സ്വപ്നം സാക്ഷാല്കരിക്കപ്പെട്ടു.അഥവാ ഡിസംബര് 19, 2024 ന് തുടങ്ങിവെച്ച വര്ത്തമാനങ്ങളുടെ സാക്ഷാല്കാരം.
കൂട്ടുകുടുംബങ്ങളുടെ നല്ല പ്രാതിനിധ്യം ഉണ്ടായി.നല്ലൊരു സദസ്സും നികാഹ് ഖുത്വുബയും സ്വാദിഷ്ടമായ ഭക്ഷണവും..എന്നായിരുന്നു നമുക്ക് കിട്ടിയ പ്രതികരണങ്ങൾ.
കെട്ടകാലമെന്ന് ആക്ഷേപിക്കപ്പെടുന്ന കാലത്ത് കോട്ടമൊന്നുമേല്ക്കാതെ പ്രൗഡ ഗംഭീരമായ സദസ്സില് ഡോ.നഹാസ് മാളയുടെ നേതൃത്വത്തില് നടന്ന നികാഹ് സുമനസ്സുക്കള് ആസ്വദിച്ചു എന്നതും ഇരട്ടിമധുരം തരുന്നുണ്ട്.
ധന്യമായ ഒരു സംഗമം അനുവദിച്ചരുളിയ തമ്പുരാന് സർവ്വസ്തുതിയും....
